පසුගිය වසරේදි සත්ව උද්යාන දෙපාර්තමේන්තුව හා උද්භිද උද්යාන දෙපාර්තමේන්තුව රුපියල් දසලක්ෂ 962 ක ආදායමක් ලබා ඇතැයි ද සත්ව උද්යාන හා උද්භිද උද්යාන නැරඹීමට පසුගිය වසරේදි දෙස් විදෙස් සංචාරකයන් ලක්ෂ 43 ක් පැමිණ ඇති බවද ආර්ථික සංවර්ධන අමාත්යාංශය පවසයි.
ආර්ථික සංවර්ධන ඇමැති බැසිල් රාජපක්ෂ මහතාගේ උපදෙස් පරිදි ඉහත ස්ථානවල ක්රියාත්මක සංවර්ධන හා සංරක්ෂණ වැඩසටහන් අනුව මෙම සංචාරක ආකර්ශනය සිදුවී තිබේ. මේ අනුව පසුගිය වසරේදි සත්ව උද්යාන දෙපාර්තමේන්තුව පසුගිය වසරේදි ලැබූ ආදායම රුපියල් මිලියන 651 කි. එම දෙපාර්තමේන්තුවට අයත් දෙහිවල සත්ත්ව උද්යානය හා පින්නවල ඇත් අතුරු සෙවණ නැරඹීමට පැමිණි දෙස් විදෙස් සංචාරකයන් සංඛ්යාව ලක්ෂ 24.5 කි.
දෙහිවල සත්ත්ව උද්යානය නැරඹීමට පැමිණි දේශීය සංචාරකයන් සංඛ්යාව පමණක් 1689712 ක් බව සත්ව උද්යාන දෙපාර්තමේන්තුව පවසයි.
මේ අතර 2011 වර්ෂයේ ඉකුත් මාස එකොළහ තුළ පේරාදෙණිය, හග්ගල සහ ගම්පහ යන ජාතික උද්භිද උද්යානවලින් රුපියල් මිලියන 311.4 ක ආදායමක් ලබා ඇති බව ජාතික උද්භිද උද්යාන දෙපාර්තමේන්තුවේ අධ්යක්ෂ ජනරාල් ආචාර්ය සිරිල් විජේසුන්දර මහතා පවසයි.
දේශීය සංචාරකයින් 1,694,088 ක්ද, විදේශීය සංචාරකයින් 213,972 ක්ද වශයෙන් සංචාරකයින් 1,908,060 ක් 2011 වර්ෂයේ මුල් මාස එකොළහ තුළ පේරාදෙණිය, හග්ගල සහ ගම්පහ යන ප්රධාන උද්භිද උද්යාන නැරඹීම සඳහා පැමිණ ඇත. මෙසේ සංචාරකයින්ගේ පැමිණීම පසුගිය වර්ෂය සමඟ සසඳා බලන කළ සියයට 7.8 ක වැඩිවීමකි.
ඒ අනුව මෙම වර්ෂය තුළ ෂ;දස් සංචාරකයින්ගේ පැමිණීම සියයට 12.6 ක වැඩිවීමක් දක්නට ලැබෙන අතර දේශීය සංචාරකයින්ගේ පැමිණීමේ වැඩිවීම සියයට 7.2 කි.
http://www.silumina.lk/2012/01/08/_art.asp?fn=aa1201084
No comments:
Post a Comment